| NeVer WaLk AlOn...'s profileNeVer WaLk AlOnEPhotosBlogLists |  Tools  Help |
NeVer WaLk AlOnEالحلم البعيد |
||||||||
|
October 24 أبسألــــــــــــــــك !سنه مرت ... فيها حب وفيها فراق(ن) مر
وأيام موجعه
وأحاسيس تموت
فيها غموض .. وفرح ينتحر في ظل السكوت
ودموع تتناثر .. وعيون(ن) لها تابوت
وأماني
صار قلبي فيها كذاب وخاين وأناني
كيف؟
مو كنت أنا من ترخص الدنيا عشاني؟
الحين صرت انسان بايع العشرة وأناني؟
أبســـــــــألك !
عن ذيك الوعود
ودموع(ن) اجرحت ورد الخدود
وأيام(ن) خاصمت عينك الرقود
أبســــألك !
عن وفا عاشق .. عن نكرانك والجحود
وعن قساوة تخطت كل الحدود
وعن صبر(ن) نفذ .. وطعون(ن) ما أنساها أبد
وعن حسن !
صار لك هم ونكد
وعن أول لقى !
وغرورك وأيام الشقى .. وحب(ن) ترفضي أذكره
وأحلام متأخرة
وأوراق عمري المتناثرة !
وش بقى ؟
إنسان وضميره صحى
شكى لوعة فراقك .. وعذابك
وأبد ما استحى !
September 28 عتااااااب لقلبيبعد ما تأكدت إني خارج حساباتك
وإني آخر إهتماماتك
وسبة آهاتك
وإن وجودي في حياتك يكتم أنفاسك
بعلن إنسحابي
ببتدي برحلة عذابي
ولا بشره عليك ولا بزعل
لكن أوجه لقلبي عتابي
قلبي اللي حب بجنون
وحلف إنه مايخون
قلبي اللي ملكتيه
وبفراقك بيدينك ذبحتيه
قلبي اللي احتار يدور من الغلطان
أنا ولا إنت
ولا الزمــــــــــــــان
يمكن إنه الزمان
اللي خلاني أعشق وأتصبر
وأهداني الوداع ... وماقصر September 15 هيههيه ... أنا مو لعبه في ايدينك ... ولا ضحيه لمزاجك
August 16 تعـــــــــــــــــــــــــــــــــــالأنا ماجيت ادخل معاك في جبهة قتال جفا وقسوه وملامه وذل ولعب عيال لما حبيت ماكنت أدور وصوف وجمال كنت أبي قلبك وبس كنت ابي قلب يحس قلب لا من سطا جرحي واختفى فرحي ناداني بهمس وصرخ ياعمري شفيك وقال فديتك تعــــــــــــــــــــــــــــــــــال قلب لامن قلت آه وتعب فكري وتاه نسى روحه وجاه وتحدى المحـــــــــــــــــــــــــال قلب مايجف حبه ويخاف ربي وربه قلب يجدد فيني الآمــــــــــــال قلب يحسسني بوجودي وياخذني بالاحضان مثل الأطفــــــــــــــــال !!! July 02 الطفلة الحالمةأرى حزنا في عيناك يا ابنتي
كأنك تعلمين بحزني
كأنك تقولين أبي أطلت الغياب .. واشتقت ِ لحضني
لا تلوميني يا ابنتي قست بي أيامي
أبي لا أفهم ماتقول
ً أبي ألم تنسى شيئا
أين هديتي
كنت أراك في أحلامي ترتب معي ألعابي بعد أن ابعثرها
في غرفتي
كنت تعلمني رسم القمر .. وتقول
هذا أنتِ
أبي لا أريد هديتي فأنت أجمل هديه وأنت دنيتي
آه يا ابنتي
وأنت ِ أيضاً نور حياتي وليس عجباً
إن قلت إنك جنتي
أبي .. ابقَ بقربي
فأنت نبض قلبي
أبي أبي جاء وقت نومي
أتذكر حكاية الطفله الحالمه
أهي قصه أم هي حكايتي
أبي لماذا لا تجيب
لمَ كانت تلك الطفله تبكي لحظة الغروب
أبي .. أبي أجبني لمَ الهروب
لمَ كانت تبكي
هل من ألم بها ومنه تشكي
إذن سأبكي أنا
لتمسح بكفك دمعي
فهل سيطول بكائي
أبي بدد ما ينتابني من قلق وخوف
أهذا هو الحزن الذي أراه في عيناك
ابنتي .. ضعي رأسك على صدري
ونامي بأمان
June 27 قلب اليتيمليه أرفع رايتي البيضا ...راية استسلام
ليه انحني لحزني والآلام
وانسف بيديني .. كـــــــل الأحلام
ليه أحــــــرم عيني الرقاد وما أنام
ولك عين ٍ وقلب ٍ تســــــألين ؟؟؟
وأنا اللي عشــــتك ضيــــم وشقى أيــــام !
سراب تبعـــــــــــــــته وأوهـــــــــــام
وبعد ما ضــــــاع الأمل ... وضاع الــــكلام
وإنت ِ لسه تسألين ؟
كيف طاوعك ضميرك تكسري قلب اليتيم
والله حـــــرام June 26 يبه وينكيبه وينك ؟ طول غيابك .. اشتقنالك ولسه عندي أمل للحين ولا كني اعرفك وين !
يبه وينك ؟ أنا وأغلى أحبابك ... يقولو ليه اللي أخذك ماجابك !
يبه وينك ؟ تعودت ايدي بيدينك ... وعيني بعينك . ولسه عندي امل ولا كني أعرفك وين !
يبه ... ذبحني الحنين ... وعيت تعدي كل هالسنين يبه وينك ... طال البعد بيني وبينك تعال وشوف كيف لعب بشعري الشيب تعبني الخوف ... وغيابك بعلم الغيب يبه بترجع ؟ ولا بتخلي العين على طول تدمع ترى عندي أمل للحين !
عيوني تحترق من هموم البين ... وانت ياكل الزين ... غيابك طال قول لي يايبه قلبي يسأل عن رجوعك ... وبيتحدى المحال وللحين عندي امل للحين ولا كني أعرفك وين .
يبه ... جرحي غير ينزف بليا دم ... وكل جروح الدنيا ليها دوا ... الا جرح فرقاك ما يلتم
يبه ... كبرنا ... ودرسنا وسوينا كل ماتمنيت صدى وصاياك تهز البيت ... نصلي ونصوم ونذكر الله ... وطيبين مع الناس مثل ما وصيت بس يا يبه الدنيا ما ترحم ونبي وجودك ترى لسه عندي أمل للحين ولا كني أعرفك وين .
يبه ارجع ! ... كل شي حزين بغيابك حتى الشمس ياخوفي تغيب وما تطلع
يبه لا تكسر خاطري ... تعال وزورنا لو يوم صحيح ما يكفي ... لكن أبي حضنك يدفيني ... وينسيني شقى وهموم
يبه تبي عمري ... يرخص لك .. حلالك ... بس لا تحرمني منك ومن طيبك وحنانك ودلالك .
وللحين عندي امل ... ولو إني اعرف مكانك وين !
عصر الخيانه
جيت أدور على الصدق في عصر الخيانه أدور على الحب في قلـــوب جبـــانه قصتي مع حب كاذب وصلني لحد الإهانه عرفت إن الحب لعبه .. خدعه .. ومافي أمانه فلانه .. فلانه .. حسبتك وفــــا وإحساس انسانه بعـــدك تدري وش صار بعـــدك بعـــدك لعنت الحب وزمانه حسافه جرحتي القلب وهزيتي أركانه مثلتي وابدعتي وكنت .. فنانه وصرتي تاج للغـــدر وعنوانه عساك بدنيتك تشقين .. بدلتي هنا قلبي بأحزانه وأقولها بقسوه لو يمرني ذكراك و الله لأقلع قلبي من مكانه
June 23 جنوووونكذب كذابه ... كالعاده ... والكذب زي الوشم على كتفك .... أو هو على صدرك مثل القلاده
أنانيه مايهمك إلا نفسك ... دنيويه وهذا كل همك
إخراج ترميني بحجارة وانتي بيتك من زجاج ... عايشه حياتك مزاج في مزاج ... قصه حزينه أو فلم .. بدون سيناريو و اخراج
وهم حبي وهم ... وإحساسي عندك مو مهم ... وفي النهايه أطلع بالخيانه متهم
عجايب عرفنا سبع العجايب وثامنهم قلبك الأسود ... لا تحن ولا تشتاق ... وعلى بعدي ... تعود
عل وعسى تركتها فتره قلت على وعسى .. يلين قلبها اللي قسى .. يروح صباح ويجي مسا .. واكتشف حتى اسمي نسى
مناعه ناديتها يافلانه حسي بقلبي واندفاعه .. كلام خفوقي ليش ترفضي سماعه ! قالت لا تتعب نفسك أنا من الحب عندي مناعه !
أذيه جيتها فرحان ... قلت تقبلي قلبي وحبي هديه ؟ قالت وش لي بالأذيه ! بكره نتفارق وأصير متهمه بقضيه
شرط عشان أحب مو شرط أملك المليون ... عادي أكون فقير وأملك إحساس وحنون ... لو المسأله فلوس .. كان ماحب قيس ليلى لحد الجنون !
دراسه لما تفقد ضميرك وقلبك يختفي احساسه ... تكوت محتاج لمراجعة نفسك ولإعادة دراسه ... فرصه لضميرك ... يلتقط أنفاسه
تحدي إني أتخطى الصعاب وأواجهها لوحدي ... هو قمة التحدي ... ولو الحظ دايماً ضدي
فشل الفشل هو لا صار تفكيرك محدود ومصاب بشلل ..وتمشي بخطواتك وتحسبها بملل
احذر احذر الصاحب اللي يجرك للمهالك .. يرميك بالفتنه وفي الغيبه تشارك
نفوس الدنيا تجمعك بنفوس طيبه وشريره ... وناس غنيه وناس فقيره .. بس نهايتك يابني آدم .. قطعه بيضا وحصيره
قله إذا جيت بيوم وودك تشكي من عله .. دور على اللي بقلبه يسمعك وهم للأسف قله ...أو خلي جرحك محله
واثق إذا كنت ناوي تكسر عودي وراسي القاسي ... لازم تكون فارس وتملك عقليه جباره ... لأني واثق بنفسي وصدق إحساسي ... تمرن وتمرن زين وإذا قدرت بصفق لك ... وبحرارة !
فهرس أقلب في الكتب وأدرس ... ساهر مع فكري التعبان ... أدور في صفحة الفهرس ... يمكن ألاقي للفرح عنوان
جاحد تذكر يوم واسأل لا تصير جاحد ... أنا أخوك مو مجرد صديق ... ولا شفت لك بدل فاقد !
عابر سبيل بيني وبينك حب تحديت معاه المستحيل ... بكل بساطه تبي أنسى ... وفي غمضة عين أصير بحياتك عابر سبيل !
سم الأفاعي ناس تجرح احساسك ولا تهتم ولا تراعي .. ناس للأسف قلوبهم في موت جماعي ... سمهم أقوى من سم الأفاعي ... وأنا كتبت بحقهم هاليوم رسالة وداعي
معرفه كني من سنين أعرفه ... وعيوني أول مره تشوفه ... هذا قلبي بيخطفه ... وبعشق حتى حروفه
غنايم يامطول الغيبات مابي الغنايم ... أبي بس ترجع وتجبر خاطري المكسور وقلب ٍ من البعد .. هايم
أنا وانتِ أنا وفيت وانت ِ خنتي ... أنا شريتك وانت ِ بالرخص بعتي ... ومهما قلتي ! ... بهجرك أنا ارتحت ... وانت ِ اختنقتي !
خِداع ماتعودت ألبس قناع .. أو أمارس أساليب الخداع ... ومع كل هذا حب توه شباب وضاع .. بالله قلي ماتعذب لحظات الوداع ؟
برود يابرود أعصابك ... وش اللي بدل أطباعك ! ... حنا نسأل عن أخبارك ... وانت ساهي عن أحبابك
بعد غيبهالتقينا بعد غيبه قالت اعذرني ببعد وتجبرني ظروفي توقعت انها كذبه تبي تكشف مدى حب سكن جوفي سالت من عينها دمعه دمعة وداع مسحتها كفوفي بكى قلبي وزادت حيرتي و اكبرت بفراقها مساحات خوفي أدري بفراقك ألم و بيقسم القلب نصين تتخيلي كيف بكون حالي و احنا بعيدين ! كني طفل مضيع أمه وأبوه والطفل لا مشى لحاله يتوه غريبه تصير لي ماضي و انتي بعيونك تشوفي رجعت أدور بأوراقي بذكريات قديمه غطى غبارها حروفي ... وهدايا .. ورد ذابل .. و مسباح وعطر مركونه برفوفي .. فمان الله يا أجمل طيوفي
حبيبتيحبيبتي صارت أمانينا سراب الزمن يرفض أحط ايدي بيدها ما عملنا لها اليوم حساب ترحل قدام عيني وقلبي عندها نعاني في بعدنا أشكال العذاب ودمع الفراق جرح خدها حبيبتي يطول ليل الألم والصبح في حكم الغياب ولا حياة أظنه بعدها حبيبتي تشكي وتبكي الاغتراب وتقول وصلت حدها حلمي مات وحلمها ذاب والظروف أقوى مني ومنها مابقى مجال للعتاب وحكم القدر واقف ضدها حبيبتي تدور للفرح ألف باب والزمن يوقف و يسدها و أنا لو قلت بنساها أكون كذاب يحتاجها قلبي وقلبي يودها
ناس تمر و تعدي بحياتيناس تمر وتعدي بحياتي وأقول وجودهم ماله داعي و إنسان مجرد يختفي يوم يزود أوجاعي ناس تجرح أحساسك ولا تهتم و لا تراعي ناس سمها أقوى من سم الأفاعي ناس للأسف قلوبها في موت جماعي ياما حاولو يهزو كياني و يغيرو أطباعي ما أبالغ لو قلت سفينتهم ما تمشي بدون شراعي غايتهم يطفو نوري وشعاعي تنكرو فزعتي وأيام لهم مديت ذراعي ما تعودت أغطي وجهي بقناع وأنا كتبت اليوم بحقهم رسالة وداعي
الصداقهلو الهجر والصد فن وشطاره كان اشتغلنا فيها و سويناها تجاره الصداقه كنز والوصل طيب وأصل وبأيامنا هذي صارت حضاره الصديق أختاره بأفعاله مو بأستشاره أنا لأني خبيث ولا أفهم في الدشاره عز الصديق لا غاب ونساك أكبر خساره إذا احتجت له وعطاك ظهره وجرعك المراره يشرب من البير وإذا ارتوى غطاه بحجاره بعض الضماير تخلي الناس الطيبه دوم محتاره وأنا من الناس اللي ذاقو الهجر وانكوى بناره
!n her BirthDayفي يوم عيد ميلادك حبيبي ....
June 22 أطباع البشرمدري ليه كذا أطباع بعض البشر غايتها تزرع بدربك مشاكل الخير مخفي ولا يجيبو له خبر والشر يجيك راكض وأنت في بيتكم غافل إذا هو كلام شين بسرعه انتشر وإذ زين صار في خانة تجاهل بعض الناس في كل شي يبغى ينحشر ما همه حسن ولا علي ولا فاضل في لحظه تشوف الإحساس عندهم انتحر وأنت من جروحهم لا تنام ولا تشرب ولا تاكل و المشكلة لا جيت تواجههم ما تلاقي لهم أثر أو يتهرب ويصد وبالرد يماطل أنا باقولها من كل قلبي وبالمختصر فيه منهو بالحياة جاهل وفيه من عايش بين ربعه في خطر حاسب لسانك واترك عنك التساهل يا جماعه .. الله بالغيبة ما أمر ترى ربي يحاسب و يسائل تعلم من أخطاءك وأخطاء الغير خلها لك ( عبر )
June 21 انا آسف ... بس يكون أفضل غيابيآسف بس يكون أفضل غيابي بختفي من دنياك لا نفعني عناد ولا قسوة عتابي ولو بعدك جرح وغيبتي بداية عذابي إذا كان الوله ما زارك أنا عمره ما بدق بابي وإذا كانت ذكرياتي ألف صفحه أنتي صفحه وانطوت في كتابي ولا يجي على بالك كنتي بيوم أغلى أحبابي أو كنتي ساكنه عيني وحراسك أهدابي حبك لعب أطفال أدري كنتي اتسلى بي بقسى على نفسي بقول فراقنا كان بأسبابي ولا أظن بموت بهالهجر أنا بعدي بعز شبابي الحمد لله ماني شايف حالي بس بعزتي زايد إعجابي
June 20 NeVer WaLk AlOnEأصدقائي ... حبايبي ... رفقاء دربي ... سعادتي تكمن في وجودكم ... حياتي بكم و معكم .. همسات ... نظرات ... عتاب ... شوق ... حزن ... محبه ... كل جزء من هذه الأحرف تنبض بـ اسمكم ... فتقبلوا مني بدايتي .... من أعماق قلبي لكم تحيتي حسن
|
|
||||||
|
|
